Mingəçevir şəhərində ölümlə nəticələnən yol-nəqliyyat hadisəsi baş verib.
Modern.az-ın məlumatına görə, hadisə gecə saatlarında Cəmil Əliyev küçəsində qeydə alınıb. Belə ki, “Ford” markalı mikroavtobus yol kənarında hərəkətsiz vəziyyətdə dayanan minik avtomobilinə çırpılıb.
Qəza zamanı 1962-ci il təvəllüdlü sürücü Salahov Elxan Balabəy oğlu həyatını itirib. İlkin məlumata görə, sürücünün qəfil ürək tutmasından vəfat etdiyi, bu səbəbdən nəqliyyat vasitəsinin idarəetmədən çıxaraq dayanmış avtomobilə çırpıldığı müəyyən edilib.
Faktla bağlı araşdırma başlanılıb.
