Salyanda fərdi yaşayış evinə ildırım düşüb.
Modern.az-ın xəbərinə görə, hadisə Şorsulu kəndində qeydə alınıb.
Kənd sakini Marif Məmmədovun evinə ildırım düşüb. Nəticədə yaşayış evinin bir otağı yanaraq yararsız vəziyyətə düşüb, evə və məişət əşyalarına ciddi ziyan dəyib.
Marif Məmmədovun sözlərinə görə, hadisə səhər saat 5 radələrində baş verib. Xoşbəxtlikdən həmin vaxt oyaq olduğu üçün vaxtında yanğından xəbər tutub.
Əraziyə cəlb olunan yanğınsöndürənlər alovun digər otaqlara keçməsinin qarşısını alıblar.
