“Barselona”nın ispaniyalı vingeri Lamin Yamal Çempionlar Liqasında qol və məhsuldar ötürmələrin ümumi sayına görə Kilian Mbappenin rekordunu yeniləyib.
Modern.az xəbər verir ki, Yamal turnirin ümumi mərhələsində Niderlandın “Feyenoord” klubu ilə qarşılaşmada bir qol vurub və iki məhsuldar ötürmə edib.
19 yaşlı futbolçu 34-cü dəqiqədə Rafinyaya qol ötürməsi verib, 52-ci dəqiqədə özü fərqlənib, 85-ci dəqiqədə isə Qabriel Jezusun qoluna assistentlik edib.
Bununla da Lamin Yamalın Çempionlar Liqasındakı göstəricisi 12 qol və 11 məhsuldar ötürmə olmaqla ümumilikdə 23 qol iştirakına çatıb. Bu göstərici Kilian Mbappenin eyni yaşda qeydə aldığı nəticədən üç vahid çoxdur.
Yamal, həmçinin Çempionlar Liqası tarixində start heyətində meydana çıxan ən gənc futbolçu rekorduna sahibdir. O, 4 oktyabr 2023-cü ildə “Portu” ilə qarşılaşmada 16 yaş 83 günlüyündə start heyətində yer alıb.
Qeyd edək ki, Lamin Yamal AVRO-2024-də turnirin ən yaxşı gənc futbolçusu seçilib.
