Belçika Rusiyanın dondurulmuş aktivlərindən istifadəyə qarşı çıxıb.
Modern.az xəbər verir ki, Belçikanın müdafiə naziri Teo Franken Rusiyanın dondurulmuş aktivlərindən istifadə imkanını qəti şəkildə istisna edib.
Franken Belçikanın Baş naziri Bart De Veverin Ukraynaya 210 milyard avro həcmində kredit verilməsi ilə bağlı sxemi bloklamaqda davam edəcəyini vurğulayıb. Baş nazir bu mexanizmi yüksək maliyyə riskləri və Rusiya aktivlərinin müsadirəsindən sonra yaranacaq nəticələrlə təkbaşına üzləşmək narahatlığı səbəbindən 2025-ci ilin dekabrında dondurub.
Nazir həmçinin Baltikyanı ölkələri bu məsələnin Avropanın gündəminə yenidən qaytarılması cəhdlərinə son qoymağa çağırıb.
