Azərbaycan 100-ə yaxın ölkə ilə viza tələbindən azad edilməsi barədə saziş imzalayıb.
Modern.az xəbər verir ki, bunu Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidov Milli Məclisin bu gün keçirilən iclasında “Azərbaycan Respublikası Hökuməti ilə Ekvador Respublikası Hökuməti arasında diplomatik, rəsmi və xidməti pasport sahiblərinin viza tələblərindən azad edilməsi haqqında Saziş”in müzakirəsi zaman deyib.
S. Seyidov bildirib ki, hazırda Azərbaycan vətəndaşları ümumvətəndaş pasportu ilə 22 ölkəyə vizasız səfər edə bilirlər. O həmçinin qeyd edib ki, 86 ölkəyə diplomatik və xidməti pasportla vizasız getmək mümkündür.
