Türkiyə Böyük Millət Məclisinin (TBMM) sədri Numan Qurtulmuş Azərbaycana səfər edəcək.
Modern.az xəbər verir ki, bu barədə Türkiyə Səfirliyi məlumat yayıb.
Bildirilib ki, parlament sədri Azərbaycan Milli Məclisinin ev sahibliyi ilə Bakıda keçiriləcək İslam Əməkdaşlıq Təşkilatı Parlament İttifaqının (İSİPAB) 20-ci konfransında iştirak edəcək. Səfər 23-24 iyun tarixlərini əhatə edəcək.
TBMM sədri səfər çərçivəsində, həmçinin tədbirə qatılan üzv ölkələrin parlament rəhbərləri və beynəlxalq təşkilatların nümayəndələri ilə ikitərəfli görüşlər keçirəcək.
