Şəkidə yerləşən "Kiş" Tarixi-Memarlıq Qoruğu ofis mebelləri və avadanlıqlarının alınması ilə bağlı tender elan edib.
Modern.az-ın Dövlət satınalmalarının vahid internet portalından əldə etdiyi məlumata görə, qoruq üçün 25 ədəd dəmir ayaqlı stul, 3 ədəd laminat materialdan hazırlanmış işçi masası, 1 ədəd iclas masası, 1 ədəd paslanmayan poladdan mətbəx moykası, 1 ədəd ofis şkafı və 4 kvadratmetr ofis pəncərələri üçün jalüz alınması nəzərdə tutulur.
Məlumat üçün bildirək ki, satınalmanın ehtimal olunan dəyəri 2 335,50 manat təşkil edir.
Qeyd edək ki, təkliflərin son təqdim edilmə tarixi və zərflərin açılış vaxtı isə 11 avqust 2026-cı il, saat 17:00 müəyyən edilib.
