Bizim niyyətimiz kimisə işdən çıxarmaq deyil.
Modern.az xəbər verir ki, bunu “Sertifikatlaşdırma: səriştəli müəllim - keyfiyyətli təhsil" mövzusunda keçirilən tədbirdə elm və təhsil naziri Emin Əmrullayev deyib.
Nazirin sözlərinə görə, sertifikatlaşdırma imtahanları çətin olmayıb.
“Hər bir fəndən 60 ballıq şkala üzrə orta nəticənin 30 baldan yuxarı olması sertifikatlaşdırma imtahanlarının çətin olmadığını göstərir. İmtahanın kimlərəsə çətin görünməsi onların fənn bilikləri ilə bağlıdır. Bizim sertifikatlaşdırma imtahanımız çətin olmayıb. İmtahanla bağlı heç bir problem yoxdur".
