Türkiyə Prezidenti Rəcəb Tayyib Ərdoğan və NATO-nun Baş katibi Yens Stoltenberq arasında görüş başa çatıb.
Modern.az xəbər verir ki, görüş zamanı Rusiya-Ukrayna müharibəsi, Yunanıstanın təcavüzkar hərəkətləri, İsveç və Finlandiyanın NATO-ya üzvlük məsələsi müzakirə edilib.
Ərdoğan bildirib ki, Türkiyə taxıl dəhlizinin fəaliyyətinin bərpa olunmasından sonra diqqətini sazişin uzadılmasına yönəldəcək.
Türkiyə lideri İsveç və Finlandiyanın NATO-ya daxil olmasına dair prosesin iki ölkənin atacağı addımlardan asılı olduğunu vurğulayıb.
Dövlət başçısı, həmçinin qeyd edib ki, bölgədə gərginliyi artıran Yunanıstan ehtiyatlı davranaraq dialoqa qayıtmalıdır.
***
18:28
Türkiyə Prezidenti Rəcəb Tayyib Ərdoğan İstanbulda NATO-nun Baş katibi Yens Stoltenberq ilə görüşüb.
Modern.az xəbər verir ki, bu barədə Türkiyə Prezidentinin mətbuat xidməti məlumat yayıb.
Görüş zamanı Türkiyə-NATO münasibətləri, Ukraynada gedən müharibə, taxıl dəhlizi və digər məsələlər müzakirə edilib.
Qeyd edək ki, NATO-nun Baş katibi Yens Stoltenberq Türkiyədə rəsmi səfərdədir. O, səfər çərçivəsində Türkiyənin XİN başçısı Mövlud Çavuşoğlu ilə də danışıqlar aparıb.
