«Kia»-ն և «Hyundai»-ը կարող են լինել առաջին ընկերությունները, որոնք կվերադառնան ռուսական ավտոմոբիլային շուկա։
Modern.az-ը հայտնում է, որ այս մասին TASS-ին տված հարցազրույցում հայտարարել է «Ավտոստատ»-ի տնօրեն Սերգեյ Ցելիկովը։
Նա նշել է, որ եթե աշխարհաքաղաքական իրավիճակը կարգավորվի, և պատժամիջոցները մեղմվեն, «Kia»-ն և «Hyundai»-ը կարող են լինել առաջին ընկերությունների թվում, որոնք կվերադառնան ռուսական ավտոմոբիլային շուկա։
Նրա խոսքով՝ որոշ ավտոարտադրողներ կարող են ընդհանրապես չվերադառնալ ռուսական շուկա։ Դրանց թվում են «Renault»-ն և «Nissan»-ը։ Ցելիկովը նշել է, որ «Mercedes»-ը և «Volkswagen»-ը նույնպես գրեթե անդառնալիորեն հեռացել են ռուսական շուկայից։
Նշենք, որ չնայած նշված ավտոհսկաները լիովին չեն հեռացել ռուսական շուկայից, սակայն փաստացի դադարեցրել են իրենց արտադրական և վաճառքի գործունեությունը Ռուսաստանում 2022 թվականից։ «Hyundai»-ը դադարեցրել է իր արտադրությունը Ռուսաստանում 2022 թվականի մարտին, իսկ 2023 թվականի դեկտեմբերին Սանկտ Պետերբուրգի իր գործարանը վաճառել է ռուսական «Art-Finance» ընկերությանը։
«Kia»-ն դադարեցրել է իր գործունեությունը և արտադրությունը Ռուսաստանում 2022 թվականից։ Նրա Սանկտ Պետերբուրգի գործարանը նույնպես հետագայում վաճառվել է։
