Özbəkistan polisi vətəndaşlardan toylarda pul səpməyə son qoymağı xahiş edib.
Modern.az xəbər verir ki, bu barədə rəsmi teleqram kanallarında məlumat yayılıb.
Hüquq-mühafizə orqanlarının əməkdaşları bildiriblər ki, əskinaslarda vətəndaşların hörmət etməli olduğu dövlət rəmzləri təsvir olunub. Bu səbəbdən pulları ayaq altına atmaq düzgün deyil.
Qeyd edək ki, Özbəkistanda toylarda yeni evlənənlərə uğur və xoşbəxtlik diləmək üçün pul səpmək (şabaş atmaq) ənənəsi var.
