Bu ilin I yarısında Xüsusi Rabitə və İnformasiya Təhlükəsizliyi Dövlət Xidməti dövlət qurumlarında apardığı audit yoxlamaları və monitorinq nəticəsində 373 dövlət informasiya sistemində təhlükəsizlik boşluqları və nöqsanları aşkar edib, audit hesabatları hazırlayıb, tövsiyyələrlə bərabər aradan qaldırılması üçün müvafiq qurumlara təqdim edib.
Modern.az bu barədə Dövlət Xidmətinə istinadən xəbər verir.
Xatırladaq ki, ötən ilin eyni dövründə dövlət qurumlarında aparılan audit/pentest yoxlamaları və monitorinqlər nəticəsində 221 dövlət informasiya sistemində təhlükəsizlik boşluqları və nöqsanları aşkar edilərək müvafiq qurumlara xəbərdarlıqlar edilib.
Yanvar-iyun aylarında qurumun Kompüter İnsidentlərinə qarşı Mübarizə Mərkəzi (CERT) 2014-cü ildən istifadəyə verilmiş "elektron sorğu sistemi" vasitəsi ilə dövlət qurumlarından 3 650 sorğu qəbul edilərək zəruri təhlükəsizlik tədbirləri həyata keçirib.
