Naftalan Şəhər İcra Hakimiyyətinin başçısı növbəti səyyar qəbulunu şəhərin 6 çoxmənzilli yaşayış binalarının sakinləri ilə keçirib.
Modern.az xəbər verir ki, görüşdə şəhər polis şöbəsinin rəisi, İcra Hakimiyyətinin məsul əməkdaşları, şəhərdə fəaliyyət göstərən xidmət təşkilatlarının rəhbərləri və ictimaiyyət nümayəndələri iştirak edib.
Görüş zamanı səsləndirilən müraciətlərin əksəriyyəti yerində öz həllini tapıb, araşdırılmasına ehtiyac olan məsələlərlə bağlı isə aidiyyəti qurumların rəhbərlərinə müvafiq tapşırıqlar verilib.
