Ötən gün Kürdəmir stansiyasından 14 km cənubda baş vermiş zəlzələdən dərhal sonra ADY-nin ərazidəki infrastruktur obyektlərinə texniki baxış keçirilib, süni mühəndis qurğularının (körpülər, tunellər və s.) vəziyyəti yoxlanılıb.
ADY-dən Modern.az-a bildirilib ki, aparılan yoxlamalara əsasən, zəlzələ nəticəsində yol infrastrukturuna ziyan dəymədiyi məlum olub.
Yük qatarlarının hərəkəti tam bərpa edilib. Sərnişin qatarları da hazırda qrafik üzrə hərəkət edir.
