İranın Baş prokuroru Məhəmməd Mohadi Azad Azərbaycana gəlib.
Modern.az xəbər verir ki, bu barədə ISNA informasoya agentliyi İranın Azərbaycandakı səfirliyinə istinadən məlumat yayıb.
Bildirilib ki, o, Bakıda keçiriləcək İƏT-ə üzv ölkələrin baş prokurorlarının dördüncü iclasında iştirak edəcək.
Məlumata görə, bu, İran Baş prokurorunun vəzifəyə təyin olunduqdan sonra ilk xarici səfəridir.
Mohadi Azərbaycanın Baş prokuroru Kamran Əliyevlə, eyni zamanda Rusiya və Türkiyədən olan həmkarları ilə görüşəcək.
