Bu gün Əməkdar artist Aygün Hümmətova ilə (Bəylər) Səttar Bəhlulzadə adına Mədəniyyət evində vida mərasimi keçirilib. Mərasimdə mərhumun sənət yoldaşları, tanınmış şəxslər, o cümlədən müğənni, Əməkdar artist Firuzə İbadova da iştirak edib.
Modern.az xəbər verir ki, Firuzə İbadova çıxışını mərhum müğənnin qızı Canan Hümmətovaya müraciətlə başlayıb.
"Canan, Firuzə nənə sənə qurban olar. Sən tək deyilsən. Azərbaycan xalqı bizim Aygünümüzü sevir. O, bizim sevimlimizdir. Mən sənə deyirəm ki, nənə həmişə sənin yanındadır".
Daha sonra Aygün Bəylərin tabutuna üz tutaraq bunları söyləyib:
"Mənim Aygünüm, sənə əlvida demirəm. Çünki biz nə vaxtsa, görüşəcəyik. Sən orada mütləq Şəfiqə xanıma mənim ürəyimdə olan arzuları yetir. Mən bu barədə səninlə çox danışmışam".
