Ötən gecə Respublika Perinatal Mərkəzdə baş verən yanğına görə mərkəzdən təxliyə olunan 26 körpə Kliniki Tibbi Mərkəzə yerləşdirilib.
Modern.az xəbər verir ki, bu barədə KTM-in mətbuat katibi Ruzbeh Məmməd bildirib.
O deyib ki, körpələrin vəziyyəti stabildir.
Qeyd edək ki, yanğın nəticəsində 3 nəfər tüstüdən zəhərlənmə səbəbilə Kliniki Tibbi Mərkəzin Toksikologiya şöbəsinə hospitalizasiya olunub. Mərkəzin Yenidoğulmuşların intensiv terapiya şöbəsində müalicə alan 4 uşağın meyiti aşkar olunub.
