22 Dekabr 2016, 10:51 | Ana Səhifə - Yazılar - Tramp mənim qonşumdur
Tramp mənim qonşumdur

Mahir Qabiloğlu

 

HAŞİYƏ: Bir dostumuz var. Cəlilabaddandır. Günlərin bir günü eşitdik ki, bəs bu, iqtisadi inkişaf naziri Fərhad Əliyevlə yaman yaxınlaşıb. Hər yerdə də fəxrlə deyir ki, bəs mən Fərhadın kəndçisiyəm. Mən də məəttəl qalırdım ki, bəs nə əcəb əvvəllər bunu bilməmişəm. Bu həmkəndçilik, indi, məhz Fərhad Əliyev iqtisadi inkişaf naziri olandan sonra üzə çıxdı?! Bu dostumuz yaman xod gedirdi. Maddi durumu daha da yaxşılaşırdı. Biz də inanırdıq ki, bu, həqiqətən də Fərhadla bir kənddəndir: Naxıra bir yerdə gediblər, bulaq başında qızlara birlikdə söz atıblar, qonşunun bağına alma oğurluğuna bir yerdə giriblər. Yaman paxıllığını çəkirdik bu dostumuzun.

Ay keçdi, il dolandı. Fərhad Əliyevi vəzifəsindən çıxartdılar. Həbs etdilər. Adı müxalifət və digər qəzetlərin manşetini bəzədi. Günlərin birində isə “Azadlıq” qəzetinin növbəti nömrəsinin manşeti bu adla çıxdı: “Fərhad Əliyevin kəndçilərini işdən çıxarırlar”. Ürəyim əsdi. Dostumuza görə qorxdum. Dostları da başıma yığıb tez onun yanına getdik. Bu bəd xəbəri dilimizə gətirmədik. Sadəcə qəzeti qabağına qoyduq. Oxudu. Kefini də pozmadan:

–       Heç qorxusu yoxdur. Narahat olmayın. Bizim kəndlə Fərhadgilin kəndinin arasında dörd kənd var.  (SON)

         Bakıda keçirilən Avropa Olimpiya oyunları vaxtı səhərəcən yata bilmirdim. Şəhər cürbəcür işıqlardan alışıb-yanırdı. Yuxarı mərtəbədə yaşadığımdan, qarşıda da heç bir bina olmadığı üçün bir göydələn binamıza nur çiləyirdi. İşığa qərq olmağı öz yerində, üzərində yazılmış beş hərfli bir söz o yan bu yana qaçırdı: “TRUMP”. Yoldaşım da soruşurdu ki, ay Mahir, bu “trump” nə deməkdir axı? İndi dilim-ağzım qurusun, mən də cavab verirdim ki, yəqin qostinsa adıdır. Avropa Oyunları qurtardı. Qarğışım həyata keçdi. Gündə axı nə qədər “işığınız kəsilsin. Söndürün də bu işıqları, camaat rahat yata bisin...” demək olar. “Trump” hərflərinin də,  binanın da işıqları söndü. Yəqin ki, söndürdülər. Heç balkonlardan da işıq gəlmədi. Şüşəli binanın örtük şüşələri çirkləndi. Silinmədi, parlamadı.



Vaxt keçdi. İl dolandı. ABŞ-da seçkilər keçirildi. Onda bildim ki, bəs Bakıda “trump” kimi oxuduğum bu söz Amerikanın indiki prezidenti Donald Trampın adı imiş. Demə bu boyda kişi, milyarder mənim qonşum imiş, tanımamışam. O saat üzüm güldü. Başladım Allaha dua eləməyə və qarğışlarımı geri götürməyə ki, bəs ey bina işıqlan. Üstəlik T, R, U, M, P hərflərinin Azərbaycan mifologiyasında müqəddəs olması barədə elmi iş - monoqrafiya yazmağa başladım. Hər yerdə də fəxrlə deyirəm: “Tramp mənim qonşumdur”. Eybi yox, dörd, lazım olsa səkkiz il gecələr yuxuya həsrət qalaram. Lap evimi, bağımı satıb...

HAŞİYƏ: Bir məşhur fransız yazıçının Eyfel qülləsindən zəhləsi gedirmiş. Amma həmişə də bu qüllədə yerləşən kafedə çörək yeyərmiş. Ondan soruşanda ki, bəs Eyfel qülləsindən xoşunuz gəlmir. Bunu hər yerdə deyirsiniz də... Onda niyə hər gün burda nahar edirsiniz? Belə cavab verir:

–       Eyfel qülləsi Parisin hər yerindən görsənir. Yeganə yerdir ki, burda olanda qüllə görünmür.  (SON)

 ...bu binada 1 otaqlı mənzil də alaram. Təki hər şey yaxşı olsun. Tramp, bağışla, səni tanımamışam. Savadsızlığıma bağışla – adını balaca hərflə, özü də “Tramp” yox,  “trump” oxumuşam, ey mənim əziz qonşum.

Birdən dörd ildən və ya səkkiz ildən sonra hər şey dəyişdi? Yəqin dəyişəcək də... ABŞ konstitutsiyası bunu tələb edir. Onda cəlilabadlı dostumun sözlərini əzbərləmişəm. İndi bizim binayla o bina arasında bir göydələn tikilir. Yəqin ki, səkkiz ilə üç-dördü də tikilər. Cavabım hazırdır: “Nə qonşu? Siz Allah bəsdirin. Bizim binayla Trampın binası arasında 3-4 bina var”.





MÜƏLLİFİN DİGƏR YAZILARI
İşğaldan sonra Kəlbəcərin Comərd kəndi - VİDEO 24 Yanvar 2021, 14:19 Moskvada keçirilən aksiyalarda 10-dan çox insan xəsarət aldı 24 Yanvar 2021, 14:10 Türkiyəli nazir: "Fərman İsmayılovun nəşinin olduğu gəmi Qabondadır"   24 Yanvar 2021, 14:05 Vətən müharibəsi qazisi prezident təqaüdü və müavinətlə təmin ediləcək 24 Yanvar 2021, 13:50 Zərdüşt Əlizadə: "Rus xalqı acından ölürsə, canı cəhənnəmə..." 24 Yanvar 2021, 13:44 Çində qəza baş vermiş qızıl mədənindən daha 10 şaxtaçı çıxarıldı 24 Yanvar 2021, 13:35 İrəvan qarışdı: "Satqın Nikol, istefa!" 24 Yanvar 2021, 13:28 İbrahimoviç "Atalanta"nın hücumçusu ilə münaqişəyə girdi 24 Yanvar 2021, 13:23 Düşmən daha 72 itkisini açıqladı 24 Yanvar 2021, 13:20 Lənkəranda itkin düşmüş yeniyetmə tapıldı 24 Yanvar 2021, 13:09 Yunis Hüseynov istefa verdi 24 Yanvar 2021, 12:59 Nazir 10 şagirdin ölümündən, 60 məktəbin dağıdılmasından yazdı 24 Yanvar 2021, 12:51 Vətən müharibəsi memorial kompleksi və Zəfər Muzeyi konsepsiyası təqdim olundu 24 Yanvar 2021, 12:46 Mingəçevirdə karantin qaydalarını pozan tədris mərkəzi aşkarlandı 24 Yanvar 2021, 12:36 Ermənistanda virusdan ölənlərin sayı üç mini ötdü   24 Yanvar 2021, 12:29 İstixana sahiblərinə qazdan istifadəyə görə güzəşt tətbiq olunacaq 24 Yanvar 2021, 12:18 Xəmsənin Osmanlı türkcəsində yenidən nəşri və satışı planlaşdırılır 24 Yanvar 2021, 12:08 Sabahın havası: bir yandan duman,  o biri yandan külək 24 Yanvar 2021, 12:05 Çavuşoğlu: Gəmi Qabona çatandan sonra nəşlə bağlı addımlar atılacaq 24 Yanvar 2021, 12:00 Hacıqabulda dəhşət: ot presləyən qurğuya düşdü, xəstəxanada keçindi 24 Yanvar 2021, 11:51 Deputat xeyriyyəçiliyin leqallaşdırılmasından DANIŞDI: "Asan deyil" 24 Yanvar 2021, 11:44 Hələ onlarla erməni əsgərinin meyiti tapılmayıb - Tadevosyan 24 Yanvar 2021, 11:36 Füzulinin Aşağı Veysəlli kəndindən ən son görüntülər - Video 24 Yanvar 2021, 11:34 Gürcüstanda virusdan ölənlərin sayı azaldı 24 Yanvar 2021, 11:29 Daha bir ölkədə kütləvi vaksinasiya başlayır 24 Yanvar 2021, 11:22 “Mozart” gəmisi Qabona istiqamət götürdü 24 Yanvar 2021, 11:14 İraqda 340 nəfər edam olunacaq 24 Yanvar 2021, 11:11 Şamaxıdakı vulkan evlərin divarını çatlatdı 24 Yanvar 2021, 11:02 Türkiyə yenə silkələndi 24 Yanvar 2021, 10:58 Türkiyə gəmisində öldürülən azərbaycanlının nəşi sabah ölkəyə gətiriləcək - XİN 24 Yanvar 2021, 10:51 İranın Xarici İşlər naziri bu gün Bakıya gəlir - NAZİRLİKDƏN AÇIQLAMA 24 Yanvar 2021, 10:44 Almaniyada virusa yoluxanların sayı yenə artdı 24 Yanvar 2021, 10:36 Azərbaycan kubokunda yeni mövsüm başlayır 24 Yanvar 2021, 10:34 Çində 14 gün dağıntılar altında qalan şaxtaçı xilas edildi 24 Yanvar 2021, 10:21 Gömrük Akademiyası 9 yaşını qeyd edir 24 Yanvar 2021, 10:16