13 İyun 2018, 12:54 | Ana Səhifə - Yazılar - Türkiyədə gün sayılır
Türkiyədə gün sayılır

HidayəElvüsal 


Türkiyədə seçki morofonu get-gedə daha da qızışır. CHP-nın namizədi Məhərrəm İncə gözlənildiyi kimi kifayət qədər populyarlıq qazana bilib. Sağdan-soldan vurulsa da yoluna davam edir.

İyi (yaxşı) partiyanın lideri Maral Akşənər MHP-dən ayrılandan sonra daha fəal bir mövqe tutub. Seçicilərin rəğbətini qazana bilib. Maral xanım dövlət idarəetmə təcrübəsinə də malikdir. Vaxtilə Türkiyənin daxili işlər naziri olub. Böyük Millət Məclisində qrup başqan vəkili kimi məclisi idarə edib. Həm də nümunəvi şəkildə.

Səadət Partiyasının lideri Kərəm Qaramollaoğlu AKP-nin əvvəlki yuvasından Rifah Partiyasından ayrılmış bir siyasi qüvvədir. Ərbakanın tələbələrindən sayılır. Təmkinlidir, savadlı və məlumatlıdır. Mühafizəkar zümrəsin müdafiə etdiyi siyasi fiqurdur. Ərdoğan onunla da iqtidar bağlamaq istədi. Olmadı.

HDP-nin namizədi Səlahəddin Dəmirdaş həbsdədir. Təbliğatını vəkilləri vasitəsilə aparır. Hələ də terrorla arasına sədd qoymayan HDP-nin yüksək şansı olmasa da, seçkilərə təsiri olacağı sözsüzdür. İkinci turda kimə səs verəcəkləri həlledici sayılır.

Erməni yalanını puça çıxaran, barışmaz mübariz Doğu Pəricək “Vətən” partiyasının namizədidir. Bu adama heç cür şərait yaradılmır. Heç vəsait də ayrılmayıb. Partiyada kifayət qədər vətənpərvər, Atatürkçü əsgərlər, elm adamları, siyasətçilər var. Prezidentlik şansları olmasa da, millət vəkili çıxarmaq arzusunda olanlar az deyil.

Və nəhayət baş qəhrəman və əsas sima olan indiki prezident Rəcəb Tayyub Ərdoğan. Yenə həmişəki kimi mitinqlərdə, açılışlarda. Bir daha və bir daha prezident olmaq istəyi sonsuzdur. Amma elə hadisələr baş verir ki, bu hadisələrdən danışmadan dayana bilmirsən.

Almaniyada dərc olunan “Şpigel” jurnalının üç qabığında təqdim olunan Otoritorlar kolleji məsələni xeyli qarışdırdı. Əslində “xalq mənəm!” mənasını bildirən bu ifadə dörd ölkə liderinə - Türkiyə, Rusiya, Çin və ABŞ liderlərinin idarəetmə üsullarına - otoritorluğa həsr edilib. Yəni bu liderlər xalqın səsini dinləməz, öz bildiklərini edər və xalqı sözdə xatırlarlar.

Görünür Ərdoğanın indiki müşavirləri və onu müdafiə edən yandaş mətbuat məsələnin əsl mənasına varmadan liderlərini gülünc vəziyyətə salmışlar. Onlardan biri həmin kolleji ilk səhifəsində dərc edib, fəxrlə yazır: ““Şpigel” Merkeli deyil, Ərdoğanı seçdi”. Dəhşət!

Ərdoğan da məsələnin nə yerdə olduğunu bilmir. Müşavirləri onu səhv anlatmışlar. O da meydan müraciətlərinin birində deyir:

- O “Şpigel” üz qabığında dörd liderin rəsmini dərc edib. Yəni deyir ki, dünyanı bu dörd adam idarə edir.

Doğrudan da dəhşət! Əslində tənqid, xəbərdarlıq mənası daşıyan kollej Ərdoğan tərəfindən, müşavirlərinin savadsızlığı, səriştəsizliyi ucbatından bəh-bəhlə qarşılanır. Və neçə gündür ki, Türkiyə mediası bu biabırçılıqdan söhbət açır.

Niyə məhz Ərdoğandan söz açdıq. Prezident bir daha prezident olmaq üçün yenə də dövlətin bütün gücündən, sərvətindən, vasitələrindən istifadə edir. O da, dilmancı Binəli İldırım da, kürəkəni, müşavirləri də bütün qüvvələrin səfərbər edib bu məqsəd uğrunda çarpışırlar. Media saatlarla Ərdoğanın, onun adamlarının çıxışlarını birbaşa canlı olaraq təqdim edir. Bəzən isə bu canlı yayımlarda gözlənilməz hadisələr baş verir.

Əlbəttə, Ərdoğanın çıxışları hazır mətnlərin oxunması hesabınadır. Yəni o səhnəyə çıxır, qarşısındakı monitorda çıxışına mətni görünür, üzündən oxuyur və hamıya elə gəlir ki, “sinədən söyləyir”. Amma o gün monitor dondu. Elə Ərdoğan da dondu. Özü də mətnin çox çətin anında - iqtisadiyyatdan danışarkən. Uzun-uzun susub, monitora baxdı. Olmadı. Bu işlə məşğul olanı axtardılar. Xəbər gəldi ki, namaz qılmağa gedib. Beləliklə, çıxış yarımçıq qaldı.

Ərdoğanın müşavirləri də, özü də sanki yaddaş burulğanına düşüb. Məsələn, o, deyir: İzmirdə təyyarə limanını kim yaratdı? Biz yaratdıq, AK parti yaratdı”.

Əslində bu hava limanı 1975-ci ildə yaranıb. Yəni AKP hakimiyyətə gəlməzdən təxminən 17 il (!) əvvəl.

Daha sonra Spartada, Süleyman Dəmirəlin vətənində “Spartada universiteti biz yaratmadıqmı?”

Yox! Bunlar yaratmayıb. Bunlar hakimiyyətə 2002-ci ildə gəliblər. Spartadakı Süleyman Dəmirəl Universiteti isə 1992-ci ildə, yəni 10 il əvvəl yaradılıb.

Daha bir misal:

- Bu kommunistlər körpüləri əcnəbilərə satmaq istəyirdilər. Rəhmətlik Turqut Özal imkan vermədi.

Əslində hər şey tərsinə olub. O illərin görüntüsünü yenidən canlandırdılar. Körpüləri Turqut Özal satmaq istəyib, digər partiyalar mane olub.

Ərdoğanla bağlı belə misalların sayı-hesabı yoxdur. Bir daha seçilmək üçün bütün yollara baş vururlar. Seçkilərə isə cəmi bir neçə gün qalıb. Dərin iqtisadi böhran keçirən Türkiyənin gələcəyi kimi əlində olacaq? İndi bütün dünyanı bu maraqlandırır. Elə bizi də! Bir neçə gündən sonra Türkiyə hansı siyasi qüvvələr tərəfindən idarə olunacaq? Bu ağır iqtisadi, siyasi vəziyyət necə həll olunacaq?

Nə qalıb ki? Cəmisi bir neçə gün…

MÜƏLLİFİN DİGƏR YAZILARI
Çavuşoğlu: Gəmi Qabona çatandan sonra nəşlə bağlı addımlar atılacaq 24 Yanvar 2021, 12:00 Hacıqabulda dəhşət: ot presləyən qurğuya düşdü, xəstəxanada keçindi 24 Yanvar 2021, 11:51 Deputat xeyriyyəçiliyin leqallaşdırılmasından DANIŞDI: "Asan deyil" 24 Yanvar 2021, 11:44 Hələ onlarla erməni əsgərinin meyiti tapılmayıb - Tadevosyan 24 Yanvar 2021, 11:36 Füzulinin Aşağı Veysəlli kəndindən ən son görüntülər - Video 24 Yanvar 2021, 11:34 Gürcüstanda virusdan ölənlərin sayı azaldı 24 Yanvar 2021, 11:29 Daha bir ölkədə kütləvi vaksinasiya başlayır 24 Yanvar 2021, 11:22 “Mozart” gəmisi Qabona istiqamət götürdü 24 Yanvar 2021, 11:14 İraqda 340 nəfər edam olunacaq 24 Yanvar 2021, 11:11 Şamaxıdakı vulkan evlərin divarını çatlatdı 24 Yanvar 2021, 11:02 Türkiyə yenə silkələndi 24 Yanvar 2021, 10:58 Türkiyə gəmisində öldürülən azərbaycanlının nəşi sabah ölkəyə gətiriləcək - XİN 24 Yanvar 2021, 10:51 İranın Xarici İşlər naziri bu gün Bakıya gəlir - NAZİRLİKDƏN AÇIQLAMA 24 Yanvar 2021, 10:44 Almaniyada virusa yoluxanların sayı yenə artdı 24 Yanvar 2021, 10:36 Azərbaycan kubokunda yeni mövsüm başlayır 24 Yanvar 2021, 10:34 Çində 14 gün dağıntılar altında qalan şaxtaçı xilas edildi 24 Yanvar 2021, 10:21 Gömrük Akademiyası 9 yaşını qeyd edir 24 Yanvar 2021, 10:16 Ya rəhbərlik dəyişəcək, ya da idarəetmə Müşahidə Şurasına keçəcək - Rövnəq Abdullayev erası bitir 24 Yanvar 2021, 10:11 Yanvarın 24-ü Beynəlxalq Təhsil Günüdür 24 Yanvar 2021, 10:05 Türkmənistan Prezidenti Azərbaycanla anlaşmadan danışdı: “Tarixi hadisədir” 24 Yanvar 2021, 09:59 Pentaqon rəhbəri: ABŞ Çinlə mübahisəli adanı qoruyacaq   24 Yanvar 2021, 09:51 ABŞ sakini peyvənddən bir neçə saat sonra öldü 24 Yanvar 2021, 09:43 Portuqaliya bu gün yeni prezidentini seçir 24 Yanvar 2021, 09:40 İspaniyanın Qərargah rəisi peyvənd qalmaqalına görə istefa verdi 24 Yanvar 2021, 09:37 Çində xarici gəmilərə atəş açılmasına icazə verildi 24 Yanvar 2021, 09:28 Meksikada 19 nəfər öldürüldükdən sonra yandırıldı 24 Yanvar 2021, 09:26 Arıqlamaq istəyirsinizsə, limonlu çay için... 24 Yanvar 2021, 09:19 Çilidə sunami təhlükəsi: bazalar təxliyyə edildi 24 Yanvar 2021, 09:16  Senatoru öldürməyə çağırış edən Tramp tərəfdarı yaxalandı 24 Yanvar 2021, 09:05 Ermənistanda məclis sədri mühafizəçilərinin sayını 4 dəfə artırdı 24 Yanvar 2021, 08:58 Maduro qaz kəmərinə terror hücumundan danışdı 24 Yanvar 2021, 08:51 Britaniya Navalnının tərəfdarlarına qarşı təzyiqləri pislədi 24 Yanvar 2021, 08:49 Moskvadakı icazəsiz aksiyalara görə cinayət işi başlandı 24 Yanvar 2021, 08:45 Bakıda avtomobil aşdı - xəsarət alanlar var 24 Yanvar 2021, 08:35 Türkiyə qaçırılan dənizçilərin xilas edilməsi üçün hərəkətə keçdi 24 Yanvar 2021, 08:30