Rusiya qısa müddətdə - bir neçə ay ərzində NATO ölkələrindən birinə hücum edə bilər.
Modern.az xəbər verir ki, bu barədə Polşa Baş naziri Donald Tusk "Financial Times"ə müsahibəsində bildirib.
Bununla belə, o, ABŞ-nin belə bir hücum halında Avropanı müdafiə etmək üçün NATO öhdəliklərini yerinə yetirməyə hazır olub-olmadığı ilə bağlı narahatlığını ifadə edib.
"Bütün şərq cinahı, qonşularım üçün sual budur ki, NATO hələ də Rusiya hücuma cəhd edərsə, ona qarşı cavab verməyə siyasi və logistik cəhətdən hazır bir təşkilatdırmı?", - deyə o, "Financial Times" qəzetinə verdiyi müsahibədə bildirib.
Tusk vurğulayıb ki, onun sözləri "NATO-nun 5-ci maddəsinə şübhə ilə yanaşmaq" kimi deyil, "kağız üzərindəki zəmanətlərin çox praktiki bir şeyə çevriləcəyinə ümid" kimi qəbul edilməlidir.
