İran Hörmüz boğazının bütün növ gəmi keçidləri üçün bağlandığını bəyan edib.
Modern.az xəbər verir ki, İran tərəfinin yaydığı məlumata görə, qərar neft tankerləri və ticarət gəmiləri də daxil olmaqla bütün dəniz nəqliyyatı vasitələrinə şamil olunur.
Bildirilib ki, boğazdan keçməyə cəhd göstərən istənilən gəminin hərəkətinə müdaxilə ediləcək.
Qeyd edək ki, Hörmüz boğazı dünya neft ticarətinin mühüm hissəsinin həyata keçirildiyi strateji dəniz marşrutlarından biri hesab olunur. Bu bölgədə hər hansı məhdudiyyət qlobal enerji bazarlarına ciddi təsir göstərə bilər.
