"Rusiya qoşunları genişmiqyaslı hücuma keçməyə çalışdılar, lakin məqsədlərindən heç birinə nail ola bilmədilər. Rusiyanın şəxsi heyət və texnika baxımından demək olar ki, 2-1 üstünlüyü var idi".
Modern.az xəbər verir ki, bu fikirləri cümə günü, 10 iyulda Ukrayna Silahlı Qüvvələrinin Baş komandanı Aleksandr Sirski 2026-cı ilin birinci yarısının nəticələrini yekunlaşdırarkən bildirib.
"Əvvəllər Rusiya ordusu 13 əməliyyat sektorunda aktiv hücum əməliyyatları aparırdı, indi isə maksimum 6 və ya 7 belə sektor qalıb", - deyə o vurğulayıb.
Sirski bildirib ki, Ukrayna döyüşçüləri müdafiə əməliyyatlarını davam etdirir, bəzi sektorlarda isə aktiv əməliyyatlar aparır və əməliyyat təşəbbüsünü qoruyurlar.
Komandanın sözlərinə görə, Ukrayna və Rusiya qoşunlarının hücum əməliyyatlarının nisbəti hazırda təxminən 40-60-dır.
"Məhz Müdafiə Qüvvələrinin 2026-cı ilin birinci yarısındakı aktiv hərəkətləri sayəsində Rusiya qoşunlarının irəliləmə sürəti yarıdan çox azaldılıb", - Sirski bildirib.
O, həmçinin qeyd edib ki, öldürülən və yaralanan rus əsgərlərinin orta aylıq itkisi təxminən 32.000 nəfərdir. Sirski vurğulayıb ki, Ukrayna silahlı qüvvələri Rusiya ordusuna qarşı azaltma strategiyası həyata keçirir. Onun sözlərinə görə, hər iki tərəfin irəliləmə tempi praktik olaraq bərabərliyə yaxınlaşıb.
