ABŞ senatoru Lindsi Qrem 71 yaşında vəfat edib.
Modern.az xarici KİV-ə istinadən xəbər verir ki, senatorun ofisi onun 2026-cı il iyulun 11-də qəfil xəstəlik nəticəsində dünyasını dəyişdiyini təsdiqləyib.
Lindsi Qrem ABŞ siyasətində, xüsusilə xarici siyasət və təhlükəsizlik məsələləri ilə bağlı sərt mövqeyi ilə tanınırdı. O, həmçinin ABŞ-Türkiyə münasibətlərində Ankaraya dəstək verən siyasətçilərdən biri kimi diqqət çəkirdi.
Senator Türkiyənin NATO üçün strateji əhəmiyyət daşıdığını vurğulayır, rəsmi Ankaranın F-35 proqramına qayıtmasının mümkünlüyünü müdafiə edirdi. Qrem müxtəlif çıxışlarında Türkiyə ilə əməkdaşlığın ABŞ-ın maraqlarına uyğun olduğunu bildirirdi.
O, ABŞ Senatında qondarma "erməni soyqırımı"nın tanınması ilə bağlı bəzi qətnamələrə qarşı çıxması ilə də yadda qalıb. Qrem həmin təşəbbüslərin ABŞ-ın Türkiyə ilə münasibətlərinə mənfi təsir göstərə biləcəyini qeyd edirdi.
Lindsi Qremin vəfatı ABŞ siyasi dairələrində və beynəlxalq ictimaiyyətdə böyük əks-səda doğurub.
