Türkiyənin Xarici İşlər Nazirliyi (XİN) İsrailin "Əl-Əqsa" məscidinə hücumunu qınayıb.
Modern.az xəbər verir ki, Türkiyə XİN bununla bağlı bəyanat yayıb.
"İsrailli bir nazirin təhlükəsizlik qüvvələrinin mühafizəsi altında Əl-Əqsa məscidinə təşkil etdiyi basqını ən qəti şəkildə qınayırıq", - bəyanatda bildirilib və qeyd olunub ki, Qüdsdəki müqəddəs məkanların tarixi və hüquqi statusunu pozmaq qanuna ziddir.
Türkiyə XİN-dən bildirilib ki, təxribat xarakterli hərəkətlərin qarşısının alınmasının beynəlxalq ictimaiyyətin ortaq məsuliyyətidir.
Türkiyə Prezidenti Administrasiyasının Kommunikasiya İdarəsinin rəhbəri Burhanettin Duran da "X" sosial şəbəkə hesabında İsrailin bu məscidə hücumunu qınayıb:
"Məscidül-Əqsanın müqəddəsliyini hədəf alan heç bir cəhd qəbul edilə bilməz".
Xatırladaq ki, İsrailin milli təhlükəsizlik naziri İtamar Ben-Qvir cümə axşamı Qüdsün müqəddəs məkanına basqın edən minlərlə yəhudiyə qoşulub.
