ABŞ-nin Miçiqan ştatının Grand Haven Tovnşip qəsəbəsində baş verən yanğın faciə ilə nəticələnib.
Modern.az "Associated Press" agentliyinə istinadən xəbər verir ki, hadisə yerində yerləşən evdə 8 nəfərin meyiti tapılıb. Həlak olanlardan altısının 5-15 yaş arasında olan uşaqlar olduğu bildirilib.
İlkin araşdırmalar zamanı bəzi qurbanların bədənində güllə yaralarının aşkar edildiyi qeyd olunub.
Bu səbəbdən hüquq-mühafizə orqanları hadisəni yalnız yanğın kimi deyil, eyni zamanda şübhəli ölüm faktı kimi də araşdırırlar.
İstintaqın əsas ehtimallarından biri ailədaxili qətl və intihar versiyasıdır. Eyni zamanda, yanğının cinayətin izlərini ört-basdır etmək məqsədilə qəsdən törədilmiş ola biləcəyi də araşdırılır.
