Zaporojye vilayətində yaşayış binasına pilotsuz uçuş aparatı ilə zərbə endirilib. Şəhər və vilayətdə hücumlar nəticəsində 10-dan çox insan yaralanıb.
Modern.az xəbər verir ki, yerli hakimiyyət orqanlarının məlumatına görə, zərbə nəticəsində başqa bir yaşayış binasında da yanğın baş verib.
“Rusiya pilotsuz uçuş aparatı yaşayış binasına zərbə endirib. Yaşlı qadın xəsarət alıb. Digər binada isə düşmənin zərbəsi nəticəsində yanğın baş verib”, – deyə Zaporojye Vilayət Hərbi Administrasiyasından bildirilib.
Bundan əlavə, Xarkov vilayətinin Çuhuiv şəhərində 3, Kiyev vilayətinin Borispol şəhərində isə 2 nəfərin öldüyü qeyd olunur.
