Polşa ordusu ölkənin hərbi aviasiyasını hazırlıq vəziyyətinə gətirib və Jesev hava limanının fəaliyyətini müvəqqəti dayandırıb.
Modern.az xəbər verir ki, Polşa ordusunun Operativ Komandanlığının məlumatına görə, hava limanı hərbi aviasiyanın fəaliyyət azadlığını təmin etmək məqsədilə bağlanıb.
Buna səbəb ölkənin hava məkanının pozulması ilə bağlı şübhələr olub.
Sonradan isə məlum olub ki, həyəcan siqnalına səbəb quş sürüsü imiş. Reuters Polşanın Operativ Komandanlığına istinadən bildirir ki, quşlar ölkənin təhlükəsizliyi üçün heç bir təhdid yaratmayıb.
Beləliklə, hərbi aviasiyanı hərəkətə gətirən hadisənin səbəbi quş sürüsü olub.
