ABŞ-də sərnişin təyyarədə dava salıb, əl-qolu bağlandıqdan sonra isə sərnişinləri dişləməyə başlayıb.
Modern.az xəbər verir ki, bu barədə CNN məlumat yayıb.
"American Airlines" aviaşirkətinin reysində sərnişin ətrafındakı insanları təhqir etməyə başlayıb, yanında oturan kişini döyüb və davaya müdaxilə etməyə çalışan qadına zərbə vurub.
Digər sərnişinlər onun əllərini bağlasalar da, kişi bu dəfə onları dişləməyə başlayıb. Buna görə də insident yaradan sərnişini nəhayət biznes sinfindəki oturacağa yapışqan lentlə bağlayıblar.
Sərnişinlərdən biri təyyarə Merilend ştatına məcburi eniş edənədək təxminən 15 dəqiqə onun üstündə oturub. Təyyarə yerə enəndə isə “hava macəralarını” sevən sərnişini polis əməkdaşları gözləyib.
