Bu gün UEFA Çempionlar Liqasının 2026/2027-ci il mövsümünün əsas mərhələsinin 1-ci turu start götürüb.
Modern.az açılış oyunlarında "Brügge" "Aston Villa"nı, "AEK Afina" isə "LASK"ı qəbul edib.
“Brügge” (Belçika) və “Aston Villa” (İngiltərə) komandaları arasında keçirilən qarşılaşmada birmingemlilər 3:2 hesabı ilə qələbə qazanıblar. Görüş Belçikanın Brügge şəhərindəki “Yan Breydel” stadionunda keçirilib. Oyunu baş hakim qismində İsveçrədən olan Sandro Şerer idarə edib.
Matçın 11-ci dəqiqəsində Con Makqin hesabı açaraq “Aston Villa”nı önə keçirib. Uqo Vetlesen 19-cu dəqiqədə hesabı bərabərləşdirib. Emiliano Buendia 22-ci dəqiqədə qonaqları yenidən hesabda önə çıxarıb. Nikolas Cekson 43-cü dəqiqədə fərqi artırıb. Belçika təmsilçisinin heyətində Nikolo Trezoldi 61-ci dəqiqədə penaltidən yararlanıb.
Növbəti turda “Brügge” oktyabrın 13-də səfərdə İtaliyanın “İnter” klubu ilə qarşılaşacaq. “Aston Villa” isə oktyabrın 14-də “Fənərbağça”nı qəbul edəcək.
Afinadakı “OPAP Arena” stadionunda keçirilən digər qarşılaşmada Moskva "ÇSKA"sının sabiq baş məşqçisi Marko Nikoliçin rəhbərlik etdiyi “AEK Afina” ilə Avstriyanın "LASK" klubları üz-üzə gəliblər. Matçı portuqaliyalı baş hakimi Luiş Qodinyu idarə edib. Matç meydan sahiblərinin 1:0 hesablı qələbəsi ilə yekunlaşıb.
İlk hissənin ortalarında yarımmüdafiəçi Razvan Marinin vurduğu qol Yunanıstan çempionuna üç xal qazandırıb. 64-cü dəqiqədə VAR-a baxıldıqdan sonra “AEK”nın hücumçusu Luka Yoviçin vurduğu qol ləğv edilib.
Çempionlar Liqasının əsas mərhələsinin 2-ci turunda “AEK” oktyabrın 14-də “Şaxtyor”un qonağı olacaq. LASK isə həmin gün “Liverpul”u qəbul edəcək.
