"Sabah" klubu bu gün UEFA Çempionlar Liqasının Liqa mərhələsində növbəti oyununa çıxacaq. Komandamız Bakı Olimpiya Stadionunda Almaniyanın "Borussiya" klubunu qəbul edəcək. Oyunu İspaniyadan olan hakimlər briqadası idarə edəcək. Saat 20.45-də başlayacaq “Sabah” - “Borussiya” matçı İctimai Televiziyada yayımlanacaq.
Oyuna baxmaq üçün Almaniyadan xeyli “Borussiya" azarkeşi Bakıya gəlib.
Modern.az oyuna baxmağa gələn "Borussiya" azerkeşlərinin ehtimallarını öyrənib.
Vincent adlı gənc azakeş "Sabah"ın 4 cavabsız qolla məğlub olacağını düşünür. Onun dostu Paulun ehtimalına görə isə oyun 4:1 hesabı ilə "Borrusiya"nın xeyrinə bitəcək. Younis və Anas adlı digər alman azerkeşlər "Sabah"ın 3 cavabsız qolla məğlub olacağı proqnozunu verdilər.
Alman azarkeşlər Bakıya oyundan bir gün əvvəl gəldiklərini, səfərlərinin üç gün davam edəcəyini söylədilər. Onlar bir sıra tarixi yerləri gördüklərini və bəyəndiklərini bildirdilər.
