Məhsul bol, qiymət aşağı…
Modern.az xəbər verir ki, fındıqçılıqla məşğul olan şəxslər bildirirlər ki, bu il məhsul bol olsa da, qiymətlər ötən illə müqayisədə 50 faiz aşağıdır.
Fermerlərin sözlərinə görə, bu il fındıq ötən illə müqayisədə təxminən iki dəfə ucuz qiymətə alınır. Bu isə onların çəkdiyi xərcləri qarşılamağa imkan vermir.
Uzun illər bağçılıq sahəsində təcrübəsi olan ekspert Etibar Nuriyev isə deyir ki, ötən il fındığın qiymətinin yüksək olması istisna hal kimi qiymətləndirilməlidir. Onun sözlərinə görə, həm Azərbaycanda, həm də Türkiyədə məhsuldarlığın aşağı olması qiymətlərin artması səbəb olub.
(Banker)
