"Türkiyədə gerçəkləşən hərbi çevriliş cəhdinin arxasında “Fətullahçı Terror Təşkilatı” dayanır. O şəxsin ekstradisiyası ilə bağlı lazımi sənədlər ABŞ-a göndərilib”.
Modern.az xəbər verir ki, bu sözləri Türkiyənin Azərbaycandakı səfiri İsmayıl Alper Coşkun keçirdiyi mətbuat konfransında deyib.
Səfirin sözlərinə görə, ABŞ-dan əsas gözlənti göndərilən sənədlərə lazımi reaksiyanın verilməsidir.
Türkiyənin güclü dövlət olduğunu vurğulayan səfir ölkənin xarici siyasətinin dostluqların sayını artırmaq əsasında qurulacağını söyləyib:
“Rusiya ilə təyyarə hadisəsindən sonrakı sıxıntılı dövrü geridə qoyduq. İsraillə münasibətləri də müsbət yöndə inkişaf etdirməyə davam edəcəyik”.
Ağa Akifoğlu