Arxiv
12 Dekabr 2019, 13:00 | PARLAMENT
Deputatlar silahlarını da təhvil verib? - “Tapançanın 2 darağından bir güllə belə istifadə etmədim” - Millət vəkili

Azərbaycanda deputatlar xidməti silah gəzdirmək hüququna malik olsalar da, V çağırış Milli Məclisin üzvləri bu imtiyazdan istifadə etməyiblər.


Milli Məclis üzvlərinə xidməti silahın verilməsi ilk dəfə 1997-ci il dekabrın 30-da qəbul edilən “Xidməti və mülki silah haqqında” Qanunla tənzimlənib. 2001-ci ilin oktyabrında isə “Azərbaycan Respublikası Milli Məclisi deputatının statusu haqqında” Qanuna əlavələr edilib. Bu qanunun 12.1-ci maddəsində deputatın təhlükəsizliyindən bəhs olunur:

“Deputatın təhlükəsizliyini təmin etmək məqsədi ilə ona Azərbaycan Respublikasının qanunvericiliyi ilə müəyyən edilmiş qaydada xidməti silah verilə bilər. Deputatın öz səlahiyyətlərini icra etdiyi bütün müddət ərzində qanunvericiliklə nəzərdə tutulmuş qaydada və hallarda xidməti silahı saxlamaq, gəzdirmək və təyinatı üzrə istifadə etmək hüququ vardır, zəruri hallarda onun təhlükəsizliyi təmin edilir”.


Qaydalara görə, Azərbaycan Milli Məclisinin deputatları xidməti silah almaq üçün əvəlləcə Daxili İşlər Nazirliyinin Baş İctimai Təhlükəsizlik İdarəsinə müraciət etməlidirlər. Burada müraciətinə müsbət cavab verilən millət vəkili daha sonra nazirliyin Təchizat İdarəsindən xidməti silah – tapança ala bilər. Qanunla hər bir silah alan deputat dövlətə müəyyən edlimiş rüsum ödəyir. Deputata silahla birgə 16 nömrələnmiş patron da verilir.  Silah gəzdirmək istəyən millət vəkili öncə onunla davranma qaydalarını bilməlidir. Bunun üçün həmin deputat DİN-in müvfiq qurumuna dəvət olunuraq, təlimatlandırılır. DİN silah almaq istəyən deputatın sağlıq durumunu da nəzərə alır.

Onu da qeyd edək ki, qanunda deputatlara iclas zalına silahla daxil olmaq qadağan edilib. Milli Məclisin üzvü iclas zalına daxil olmazdan öncə silahını nəzarətçiyə təhvil verməlidir.

Maraqlıdır, qanunun icazə verdiyi halda, niyə Milli Məclisin deputatları silah gəzdirmir?



“Silah gəzdirməyə ehtiyac vardı”

V çağırış Milli Məclisin üzvü, Ana Vətən Partiyasının  sədri Fəzail Ağamalı Modern.az-a bildirib ki, deputatın silah gəzdirməsi qanunla qadağan edilməyib, amma əsas məsələ buna zərurətin olub-olmamağıdır.

“Yəni gəzdirə bilər.  Milli Məclisin deputatlarının silah gəzdirməsi məsələsi uzun illər bundan öncə parlamentdə müzakirə olundu. Həmin vaxt deputatların əksəriyyəti Milli Məclisin üzvlərinə silah gəzdirmək səlahiyyətinin verilməsinin tərəfdarı oldu. O vaxtlar cəmiyyətdə narazılıqlar vardı. Təhlükəsizlik məsələlərində problemlər mövcud idi. Həmin illərdə vəziyyət elə idi ki, silah gəzdirmək məsələsi reallğı əks etdirirdi. Həqiqətən də silah gəzdirməyə ehtiyac vardı”.


“Deputat o dünyalıq olacaq”

Fəzail Ağamalının sözlərinə görə, deputat silah gəzdirməklə heç də özünü müdafiə etmək gücündə deyil:

“Milli Məclisin deputatı silah gəzdirirsə, əgər ona hər hansı təhlükə varsa, deputat silahla özünü müdafiə edənə qədər artıq o dünyalıq olacaq. Çünki Milli Məclisin deputatını öldürmək istəyən onu aylarla izləyir və elə yerdə aradan götürməyə çalışır ki, onun müqavimət göstərməyə imkanı olmasın və sairə. Düşünürəm ki, bu silah gəzdirmək də simvolik bir şeydir”.


“Silahı uzaq yola çıxanda götürürdüm”

F.Ağamalı qeyd edib ki, bu gün deputarın silah gəzdirməsinə ehtiyac yoxdur:


“Bu gün Azərbaycan sabit bir ölkədir. Azərbaycan dünyada “sabitlik adası” kimi nüfuz qazanıb. Təhlükəsiz ölkə kimi hər bir dövlətə nümunədir. Hər bir vətəndaşın təhlükəsizliyi qorunduğu üçün deputatların silah gəzdirməsinə də ehtiyac yoxdur.

Silah gəzdirdiyimiz zamanda hansısa deputatın özünü qoruması üçün silaha əl atmasının şahidi olmamışam. Mənə verilmiş silahın 2 darağından bir güllə belə istifadə etməmişəm. Ümumiyyətlə, heç bir  halda silahdan istifadə etmədim. Çox zaman heç üzərimdə də gəzdirmirdim. Yalnız uzaq yola çıxanda götürərdim. Şəhərin içərisində gəzdirmirdim”.


Silahı verəndə də, alanda da normal qarşılamışdım”

Parlamentari bildirib ki, silahı əldə etmək üçün DİN-ə gedirdilər:

“O silahları bizə  Daxili İşlər Nazirliyinin Baş İctimai Təhlükəsizlik İdarəsi  verirdi. Bizə dəvət gəldi, getdik ora. Silahı alanda sənədə qol çəkib, qayıtdıq. Silahı təhvil verəndə də həmin idarəyə getmişdik.

Növbəti seçkilərdən sonra deputatlara silah verilmədi. O zaman buna çox normal yanaşdım. Əslində veriləndə də normal yanaşmışdım. Cəmi bir çağırış o silahı üzərimdə gəzdirmişəm”.

BU KATEQORİYADAN OLAN DİGƏR XƏBƏRLƏR
+ Arxiv
İki idmançımız dopinqə görə cəzalandırldı 14 Avqust 2020, 01:01 Gürcüstanın Azərbaycana borcu açıqlandı 14 Avqust 2020, 00:53 Xərçənglə mübarizədə yeni üsul tapıldı 14 Avqust 2020, 00:36 Nazir xəsarət alanlara görə məsuliyyəti üzərinə götürdü 14 Avqust 2020, 00:23 Bu gün növbəti qəbul imtahanı KEÇİRİLƏCƏK 14 Avqust 2020, 00:09 TAP layihəsinin 97 faizi tamamlanıb 13 Avqust 2020, 23:57 Şəmkir sakini bıçaqlandı 13 Avqust 2020, 23:42 Rusiyanın Avropaya qaz ixracı xeyli azalıb 13 Avqust 2020, 23:24 "Qarabağ"ın sabiq qapıçısı "Konyaspor"da 13 Avqust 2020, 23:10 Rusiya Türkiyə ilə patrul yoxlanışlarını dayandırıb 13 Avqust 2020, 22:54 Yardımlıda avtomobil qəzası 104 abonenti qazsız qoydu 13 Avqust 2020, 22:41 Xəzərə axıdılan tullantı suları təkrar istifadə edilə bilər 13 Avqust 2020, 22:28 “Elmi tədqiqatlara əsaslanmaq verilən qərarların səmərəliliyini artırır” - Təhsil naziri 13 Avqust 2020, 22:14 Reanimasiyadakı COVİD-19 xəstələrinin sayı AZALDI 13 Avqust 2020, 21:58 "Xiaomi" dünyada ilk ultra-nazik şəffaf televizor istehsal edib 13 Avqust 2020, 21:43 Türkiyədə daha  21  nəfər koronavirusdan ölüb 13 Avqust 2020, 21:27 Belarusa kömək təklif edildi 13 Avqust 2020, 21:13 “Ölkələrimizin suverenliyi, müstəqilliyi və təhlükəsizliyi üçün lazım olan nə varsa edəcəyik” - Hulusi Akar  13 Avqust 2020, 20:58 “100 məhkum cəzadan tamamilə azad edilib” - Ədliyyə Nazirliyi 13 Avqust 2020, 20:41 “Bu təlimlər bəzi ölkələrdə narahatlıq doğurur” - İlham Əliyev 13 Avqust 2020, 20:26 Məhbuslarla görüş və sovqatların verilməsi bərpa olundu 13 Avqust 2020, 20:19 Bakıda elektriklə işləyən avtobuslar istehsal ediləcək 13 Avqust 2020, 20:02 İqtisadiyyat Nazirliyi 65 obyektdə qayda pozuntusu aşkarladı 13 Avqust 2020, 19:56 Millimizin baş məşqçisi "Neftçi"nin məşqini izləyib 13 Avqust 2020, 19:47 Qarabağın bəlalı salnaməsinin baş yazarı əbədiyyətə qovuşdu 13 Avqust 2020, 19:38 Universitetlər oktyabrın 1-dən sonra açılacaq - Türkiyədə 13 Avqust 2020, 19:29 Salyan və Ağstafada “Ford” yandı 13 Avqust 2020, 19:20 Peşə təhsil müəssisələrini bitirənlərin sayı AÇIQLANDI 13 Avqust 2020, 19:11 Dövlət Agentliyi daha 76 obyektdə kobud pozuntular AŞKARLADI   13 Avqust 2020, 19:02 Azərbaycan-Türkiyə təlimlərində Yüksək Səviyyəli Müşahidəçi Günü keçirilib - FOTO 13 Avqust 2020, 18:53 Bu gün keçirilən qəbul imtahanının düzgün CAVABLARI 13 Avqust 2020, 18:44 Teledərslər yeni tədris ilində davam etdiriləcək? - RƏSMİ   13 Avqust 2020, 18:35 DTX-nin saxladığı Eldar Həsənov kimdir? - DOSYE 13 Avqust 2020, 18:26 Ölkəyə gətirilən yeni taksilər istifadəyə verildi - FOTO 13 Avqust 2020, 18:17 Bıçaqla özünü yaralayan 8 yaşlı uşaq öldü 13 Avqust 2020, 18:08