8 sentyabr 2026-cı il tarixdə Yeni Azərbaycan Partiyası Samux rayon təşkilatının IX Konfransı keçirilib. Modern.az xəbər verir ki, konfransdan əvvəl tədbir iştirakçıları və dəvət olunmuş qonaqlar ümummilli lider Heydər Əliyevin Samux şəhərində ucaldılmış abidəsini ziyarət edib, Ulu Öndərin əziz xatirəsinə dərin ehtiramlarını ifadə ediblər. Daha sonra Yeni Azərbaycan Partiyası Samux rayon təşkilatının IX Konfransı öz işinə başlayıb.
Konfransda Samux Rayon İcra Hakimiyyətinin başçısı Firdovsi Əliyev, Azərbaycan Respublikası Milli Məclisinin deputatı, Yeni Azərbaycan Partiyası İdarə Heyətinin üzvü Mübariz Qurbanlı, Azərbaycan Respublikası Milli Məclisinin deputatı Müşfiq Cəfərov, YAP Mərkəzi Aparatının məsul işçisi Araz Salmanov, eləcə də rayon təşkilatının ərazi partiya təşkilatlarından seçilmiş nümayəndələr iştirak ediblər.
Tədbirdə əvvəlcə ümummilli lider Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Ardınca Azərbaycan Respublikasının Dövlət Himni səsləndirilib.
Konfransın gündəliyinə VII Qurultaydan sonra Yeni Azərbaycan Partiyası Samux rayon təşkilatının fəaliyyətinə dair hesabatın dinlənilməsi və Yeni Azərbaycan Partiyasının VIII Qurultayına nümayəndələrin seçilməsi məsələləri daxil edilib.
Konfransı giriş nitqi ilə açan YAP Samux rayon təşkilatının sədri Gündüz Bayramov tədbir iştirakçılarını salamlayaraq konfransın gündəliyi və iş rejimi barədə məlumat verib. Daha sonra YAP Samux rayon təşkilatının hesabat dövründə gördüyü işlərə dair hesabat məruzəsini təqdim edib. Məruzədə hesabat dövründə rayon təşkilatı tərəfindən həyata keçirilən fəaliyyət, ərazi partiya təşkilatları ilə işin təşkili, partiya üzvlərinin ictimai-siyasi fəallığının artırılması, gənclərlə iş, müxtəlif maarifləndirici və ictimai-siyasi tədbirlərin keçirilməsi, partiya sıralarının genişləndirilməsi istiqamətində görülən işlər barədə ətraflı məlumat verilib.
Bildirilib ki, YAP Samux rayon təşkilatı öz fəaliyyətini partiyanın Proqram və Nizamnamə tələblərinə uyğun quraraq rayonun ictimai-siyasi həyatında fəal iştirak edir. Ərazi partiya təşkilatlarında işin daha səmərəli təşkili, partiya üzvləri ilə mütəmadi görüşlərin keçirilməsi, gənclərin partiya fəaliyyətinə cəlb olunması və ictimai fəallığın artırılması istiqamətində ardıcıl tədbirlər həyata keçirilir.
Hesabat məruzəsi ətrafında geniş müzakirələr aparılıb.
Çıxış edən Samux Rayon İcra Hakimiyyətinin başçısı Firdovsi Əliyev, Milli Məclisin deputatı, YAP İdarə Heyətinin üzvü Mübariz Qurbanlı, Milli Məclisin deputatı Müşfiq Cəfərov, eləcə də rayonun müxtəlif ərazi partiya təşkilatlarının nümayəndələri və YAP Mərkəzi Aparatının məsul işçisi Araz Salmanov YAP Samux rayon təşkilatının hesabat dövründə həyata keçirdiyi fəaliyyətə münasibət bildiriblər.
Çıxışlarda Yeni Azərbaycan Partiyasının ölkənin ictimai-siyasi həyatında mühüm rolu, Prezident, Yeni Azərbaycan Partiyasının Sədri İlham Əliyevin rəhbərliyi ilə Azərbaycanın əldə etdiyi mühüm nailiyyətlər, ölkəmizdə həyata keçirilən genişmiqyaslı quruculuq və inkişaf siyasəti, qarşıda duran vəzifələr və partiya təşkilatlarının fəaliyyətinin daha da gücləndirilməsi məsələləri diqqətə çatdırılıb. Müzakirələr zamanı YAP Samux rayon təşkilatının hesabat dövründə həyata keçirdiyi fəaliyyət qənaətbəxş qiymətləndirilib.
Konfransın gündəliyində duran ikinci məsələnin müzakirəsi zamanı Yeni Azərbaycan Partiyasının VIII Qurultayında YAP Samux rayon təşkilatını təmsil edəcək nümayəndələrin seçilməsi məsələsinə baxılıb. Təqdim olunan nümayəndələrin siyahısı konfrans iştirakçılarının diqqətinə çatdırılıb və səsvermə yolu ilə təsdiq edilib. Konfransda, həmçinin rayon təşkilatının qarşıdakı dövrdə fəaliyyətinin daha da gücləndirilməsi, ərazi partiya təşkilatlarında işin səmərəliliyinin artırılması və partiya üzvlərinin fəallığının yüksəldilməsi ilə bağlı fikir və təkliflər səsləndirilib. YAP Samux rayon təşkilatının IX Konfransı öz işini Yeni Azərbaycan Partiyasının himninin səsləndirilməsi ilə başa çatdırıb. IX Konfrans həm hesabat dövrünə nəzər saldı, həm görülən işlərə qiymət verdi, həm də qarşıdakı mərhələnin hədəflərini müəyyənləşdirdi. Bu baxımdan konfrans YAP Samux rayon təşkilatının fəaliyyətində yeni mərhələnin başlanğıcı kimi də xarakterizə oluna bilər.
