Modern.az

Astara sakini həmkəndlisini öldürməyə cəhd etdi

Astara sakini həmkəndlisini öldürməyə cəhd etdi

19 Mart 2023, 17:02

Astarada həmkəndlisini öldürməyə cəhd etməkdə şübhəli bilinən şəxs tutulub.

 

Modern.az xəbər verir ki, bu barədə rayon prokurorluğundan məlumat verilib.

 

Bildirilib ki, martın 19-u saat 00:15-də Astara rayonu Artupa kənd sakini, 1993-cü il təvəllüdlü Alqış Quliyevin müxtəlif xəsarətlərlə xəstəxanaya daxil olması barədə rayon prokurorluğuna məlumat daxil olub. İlkin araşdırma zamanı 1986-cı il təvəllüdlü Şamxal Şahverdiyevin həmkəndlisi Alqış Quliyevin yaşadığı evə daxil olub kəsici-deşici alətlə xəsarətlər yetirərək onu öldürməyə cəhd etməsinə əsaslı şübhələr müəyyən edilib.

 

Fakta görə Astara Rayon Prokurorluğunda Cinayət Məcəlləsinin 29, 120.1 (qəsdən adam öldürməyə cəhd) maddəsi ilə cinayət işi başlanıb. Şamxal Şahverdiyev şübhəli şəxs qismində tutularaq istintaqa cəlb olunub.

 

İbtidai istintaq davam edir.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir