Ինչպես հայտնել էինք, Հյուսիսային Կիպրոսի Թուրքական Հանրապետությունում (ՀԿԹՀ) Կիրենիա քաղաքի մոտակայքում ուղևորատար նավ է խորտակվել:
Modern.az-ը հայտնում է, որ խորտակված նավից 159 մարդ է փրկվել։ Այս մասին հայտնել է Կիրենիայի քաղաքապետ Մուրատ Շենկուլը։
«Նավում ընդհանուր առմամբ 270 մարդ կար՝ ուղևորներ և անձնակազմի անդամներ։ Իրավիճակը շատ լուրջ է։ Ափամերձ պահպանությունը, «Աքգյունլերին Էքսպրես» նավը և բազմաթիվ փոքր նավակներ ներգրավված են փրկարարական աշխատանքներում»,- նշել է քաղաքապետը։
Նշենք, որ ափից մոտ 6,44 կիլոմետր հեռավորության վրա խորտակված նավում 260 ուղևոր է եղել։
