Bu gün Biləsuvar rayonundakı parkların birində intihara cəhd hadisəsi baş verib. Modern.az Virtualaz.org-a istinadən xəbər verir ki, 1979-cu ildə anadan olmuş Salyan şəhəri, Plastik qəsəbə sakini Ələkbərov Yadigar Əbülfəz oğlu 1 şüşə sirkə turşusu içərək intihara cəhd edib.
Biləsuvar Rayon Mərkəzi Xəstəxanasına çatdırılan Yadigar Ələkbərovun vəziyyəti kritik dərəcədə ağır olduğundan təcili-yardım maşını ilə Bakı şəhərindəki xəstəxanaya aparılarkən Salyan rayonunun ərazisində keçinib.
Qonşularının bildirdiyinə görə, Yadigar Ələkbərov Salyan şəhərində kondisioner ustası olub və gün-güzəranı da pis olmayıb. Ailəsində də elə bir problemi olmadığı deyilir. Odur ki, onun hansı səbəbdən intihar etdiyi hələlik bilinmir.
Faktla bağlı hüquq-mühafizə orqanlarında araşdırmalara başlanılıb.
Modern.az
