Qondarma “Dağlıq Qarabağ Respublikası"nın "xarici işlər naziri” Masis Mailyan iranlı jurnalist Salar Seyfoldinə müsahibə verib.
Modern.az Ermənistan KİV-nə istinadən xəbər verir ki, Mailyan "Dağlıq Qarabağ"la İranın sərhədinin bağlı olmasından gileylənib.
“Biz Theranın münaqişə ilə bağlı balanslaşdırılmış siyasətini alqışlayırıq. Xalqlarımız arasındakı mehriban qonşuluq münasibətlərinə baxmayaraq, İranla Dağlıq Qarabağ arasında sərhəd qapalıdır və bu təbii deyil. Sərhədlərin açılması hər iki tərəfin maraqlarına cavab verir”.
