Bu gün axşam saatlarında Ələt-Astara avtomobil yolunun Salyan rayonunun Sarvan kəndindən keçən 74-cü km-də yol-nəqliyyat qəzası baş verib. Modern.az Virtualaz.org-a istinadən xəbər verir ki, rayonun Dayıkənd kəndinin 26 yaşlı sakini Mehman Ehtiram oğlu Cəfərovun idarə etdiyi 10-OS-669 dövlət nömrə nişanlı “Mercedes E-class” markalı minik maşını hərəkətdə olarkən qarşıdan gələn 38 yaşlı Lənkəran şəhər sakininin idarə etdiyi 99-XZ-622 dövlət nömrə nişanlı “Ford Transit” markalı kiçik tutumlu soyuducu yük maşını ilə toqquşub.
Hadisə nəticəsində “Mercedes E-class” idarəetməni itirərək yolun kənarındakı ağaca çırpılıb.
Minik maşınının 38 yaşlı sərnişini Samirə İmran qızı Əliyeva aldığı xəsarətlərdən Salyan Mərkəzi Rayon Xəstaxanasına yerləşdirilib. Faktla bağlı araşdırma aparılır.