“Metronun "28 May" stansiyasının ikinci çıxışından əhalinin az istifadəsi əsas çıxışda sıxlığa səbəb olur”.
Modern.az xəbər verir ki, bunu jurnalistlərə açıqlamasında "Bakı Metropoliteni" QSC-nin sədr müavini Hidayət Məmmədov deyib.
H.Məmmədov bildirib ki, "28 May" metrosu iki xətti birləşdirir: "Bu sıxlıq xətlərin ayrılacağı vaxta qədər olacaq. Baxmayaraq ki, "28 May" stansiyası iki çıxışlıdır, yeni istifadəyə verilmiş ikinci çıxışdan sərnişinlər çox istifadə etmirlər. Birinci çıxışdan istifadə sıxlığa gətirib çıxarır".
