Rusiya dövlət başçısı Vladimir Putin ikinci dəfə prezidenti seçildikdən sonra ilk dəfə Avropa Birliyini ziyarət edib. Modern.az-ın xarici KİV-lərə istinadən verdiyi məlumata görə, Ukraynanın FEMEN fəalları Brüsseldə Putinə qarşı kütləvi aksiya keçiriblər. Yarıçılpaq qızlar küçələrə çıxaraq Putini tənqid edərək "Əsl qiyamət Putin" deyə şüarlar səsləndiriblər.
Təhlükəsizlik qüvvələri fəalları etiraza son qoymağa çağırsa da, bu mümkün olmayıb. Nəticədə polis güc tədbiq etməyə məcbur olub. Qarşıdurma zamanı qrupunun bütün üzvləri həbs edilib.
Qeyd edək ki, FEMEN etirazları ilk dəfə 2008-ci ildə Ukraynanın paytaxtı Kiyevdə baş qaldırıb. Aksiya qadın haqlarının qorunması, xüsusilə də, qadın ticarətinin qarşısının alınması məqsədi daşıyır.
Modern.az
