Prezident Qeyri-Hökumət Təşkilatlarına Dövlət Dəstəyi Şurası bu həftə 2010-cu il üçün yeni qrant müsabiqəsi elan edəcək. Bu barədə Modern.az saytına Prezident yanında QHT-lərə Dövlət Dəstəyi Şurası katibliyinin icraçı direktoru Fərasət Qurbanov məlumat verib. O, bildirib ki, hazırda müsabiqənin elan edilməsi ilə bağlı son hazırlıq işləri gedir: “Bu həftə Şura press-konfrans keçirəcək. Hazırda bununla bağlı hazırlıq prosesi aparılır. Mən müsabiqə barədə indidən geniş məlumat verə bilmərəm. Yekun qərar bu həftə bilinəcək. Çox güman ki, bu, donorlarla birgə qrant müsabiqəsi olacaq”. Modern.az
