Azərbaycan Prezidenti İlham Əliyev və Rusiya Prezidenti Vladimir Putin arasında telefon danışığı olub.
Modern.az xəbər verir ki, bu barədə Kremlin mətbuat xidməti rəsmi məlumat yayıb.
"Fevralın 22-də Moskvada keçirilən yüksək səviyyəli Rusiya-Azərbaycan danışıqlarının davamı olaraq Rusiya Federasiyasının Prezidenti Vladimir Putin və Azərbaycan Respublikasının Prezidenti İlham Əliyev ikitərəfli və regional gündəliyin bir sıra aktual məsələləri ətrafında fikir mübadiləsi aparıblar", - deyə məlumatda qeyd olunub.
Prezidentlər, eyni zamanda Ukraynadakı vəziyyət barədə müzakirələr aparıblar.
Qeyd edək ki, fevralın 26-da Azərbaycan Prezidenti İlham Əliyev və Ukraynanın dövlət başçısı Volodimir Zelenski arasında telefon danışığı olub.
