Bu gün Ermənistan paytaxtı İrəvanda 1 mart 2008-ci il hadisələrinin qurbanları anılıb.
Modern.az Ermənistan KİV-nə istinadən xəbər verir ki, bununla bağlı keçirlən tədbirlərə baş nazir Nikol Paşinyanın rəhbərlik etdiyi hökumət rəsmiləri qatılıblar.
Xatırladaq ki, 2008-ci il martın 1-i və 2-də prezident seçkilərinin saxtalaşdırılmasına etiraz edən və Serj Sarkisyanın qələbəsini tanımayan müxalifətin Azadlıq meydanında fasiləsiz etiraz aksiyası polis qüvvələri tərəfindən qağıdılmışdı.
Etirazçılara qarşı əməliyyata həmçinin nizami ordu cəlb olunmuşdu. Toqquşmalar nəticəsində yüzlərlə insan odlu silahdan yaralanmış, 10 nəfər isə ölmüşdü.
Ölənlərdən 2-si polis işçisi idi.
