İqtisadi Rəqabətin Müdafiəsi üzrə Dövlət Komissiyasının rəhbəri Qeqam Gevorqyan Ermənistanda Azərbaycan benzininin olması ilə bağlı məlumatı təkzib edib.
Modern.az xəbər verir ki, çərşənbə axşamı parlamentdə “Hayastan” fraksiyasından olan deputat Artsvik Minasyanın sualını cavablandıran Gevorqyan qeyd edib ki, son sövdələşmənin SOCAR-la heç bir əlaqəsi yoxdur.
“Sövdələşmə Gürcüstanın “Petrocas” şirkəti ilə bağlanıb”, - o deyib.
Gevorkyanın sözlərinə görə, benzin və dizel yanacağının böyük hissəsi Rusiya Federasiyasından (Rosneft-dən, daha az hissəsi isə Qazprom-dan) idxal olunur. İran ikinci yerdədir, Ermənistanə Rumıniya və Bolqarıstandan da bir qədər yanacaq alır.
