Ukraynanın Rusiya ordusu tərəfindən mühasirəyə alınan Mariupol şəhərində bir uşaq susuzluqdan ölüb.
Modern.az xəbər verir ki, bu barədə ölkə prezidenti Volodimir Zelenski bildirib.
O, müharibədən sonra Ukraynanın üzləşdiyi humanitar böhranı İkinci Dünya Müharibəsi zamanı nasist Almaniyasının səbəb olduğu böhrana bənzədib.
Qeyd edək ki, Mariupol şəhəri Rusiya ordusu tərəfindən dəfələrlə bombardman edilib. Günlərdir ki, şəhərdə su, işıq və istilik təchizatı yoxdur.
