İranın yol və şəhərsalma naziri Rüstəm Qasemi iqtisadi əməkdaşlıq üzrə 15-ci İran-Azərbaycan hökumətlərarası komissiyasında iştirak etmək üçün martın 10-da Bakıya səfər edib.
Modern.az xəbər verir ki, səfərin gündəliyinə iki ölkə arasında yükdaşıma sahəsində əməkdaşlığın genişləndirilməsi və Naxçıvan-Məşhəd sərnişin qatarının yenidən işə salınması məsələsi daxildir.
Qasemi, həmçinin İran Air və digər aviaşirkətlərin Azərbaycana uçuşlarının bərpası və artırılmasını müzakirə etməyi planlaşdırır.
