Polşa Prezidenti Anjey Duda Rusiyaya qarşı yeni sanksiyaların tətbiqinə ehtiyac olduğunu açıqlayıb.
Modern.az xəbər verir ki, bu barədə ölkə başçısı ABŞ-ın vitse-prezidenti Kamala Harrislə birgə mətbuat konfransında deyib.
“Biz Rusiyaya qarşı yeni sanksiyalar tətbiq etməliyik. Azad dünyanın nümayəndələri olaraq sərt mövqe nümayiş etdirməliyik. Polşa burada bütün müttəfiqlər kimi ABŞ-ın yanındadır. Biz Ukraynanı xilas etməliyik. Ukraynanın köməyə ehtiyacı var. Biz burada birliyi qoruyub saxlamalı, bir yerdə olmalıyıq, həmrəyliyi qoruyub saxlamalıyıq, yekdil danışmalıyıq", - Polşa lideri Rusiyaya qarşı sanksiyaların gücləndirilməsini təklif edib.
