Gürcüstanda müxalifətin Rustavi üzrə vahid majoritar namizədi olan Badri Caparidze seçkidən imtina edib.
Modern.az Gürcüstan mediasına istinadən xəbər verir ki, bu barədə Caparidze özü bildirib.
Onun sözlərinə görə, Rusiyanın dost Ukraynanı işğal etdiyi bir zamanda seçkilərin keçirilməsi düzgün deyil və buna görə də seçkilər üçün nəzərdə tutulmuş məbləğlə Ukraynaya yardım göndəriləcək.
Siyasətçi, həmçinin bildirib ki, partiyanın Ukraynada açdığı seçki qərargahı bu ölkəyə yardım toplanılması üçün istifadə olunacaq.
Xatırladaq ki, 2021-ci ilin yerli seçkiləri zamanı hakim partiyanın nümayəndəsi Nino Laçabidze Rustavinin meri seçildi və Cari ilin 2 aprel tarixində Rustavidə aralıq seçkiləri keçiriləcək.
