Böyük Britaniya, ABŞ, Fransa, Albaniya, İrlandiya və Norveç Ukraynadakı vəziyyətlə bağlı BMT Təhlükəsizlik Şurasının iclasının keçirilməsini xahiş ediblər.
Modern.az xəbər verir ki, bu haqda Britaniyanın BMT-dəki nümayəndəliyinin Tvitter-dəki yazısında bildirilib.
“Böyük Britaniya, Albaniya, İrlandiya, Norveç, ABŞ və Fransa BMT Təhlükəsizlik Şurasının Ukraynaya görə iclasının keçirilməsini xahiş ediblər”, - yazıda deyilir.
Verilən məlumata görə, Ukraynadakı vəziyyətə həsr olunmuş iclas martın 17-də günün ikinci yarısına planlaşdırılıb.
